ఈ వారం టాలీవుడ్ బాక్సాఫీస్ వద్ద కన్నడ సందడి..

గతేడాది డిసెంబర్ తో పోల్చుకుంటే ఈ ఏడాది టాలీవుడ్ లో పెద్ద సినిమాల రిలీజ్ లు తక్కువనే చెప్పాలి. లాస్ట్ ఇయర్ అఖండ, పుష్ప వంటి బాక్ బస్టర్ సినిమాలు డిసెంబర్ లో రిలీజయ్యి సందడి చేసిన విషయం తెలిసిందే. కానీ, ఈ ఏడాది పెద్ద సినిమాలేవీ విడుదలకి సిద్ధంగా లేవు.

చిన్న సినిమాలు, డబ్బింగ్ సినిమాలు మాత్రమే ప్రస్తుతానికి సందడి చేస్తున్నాయి. పెద్ద హీరోల సినిమాలు లేకున్నా , మంచి కాన్సెప్ట్ తో వచ్చే ఏ సినిమానైనా తెలుగు ప్రేక్షకులు ఆదరిస్తారని చాలాసార్లు నిరూపితం అయ్యింది.

ఈ వారం తెలుగు బాక్సాఫీస్ వద్దకి పలు సినిమాలు రాబోతున్నాయి. సత్యదేవ్ హీరోగా నటించిన " గుర్తుందా శీతాకాలం " అందులో ఒకటి. బేసిగ్గా ఇది కన్నడ మూవీ రీమేక్. మరి కొన్ని సినిమాలు " ప్రేమదేశం, ఆక్రోశం ,చెప్పాలనిఉంది, పంచతంత్రం ,ముఖచిత్రం, సివిల్ ఇంజనీర్ " కూడా ఈ వారం రిలీజ్ కి సిద్ధంగా ఉన్నాయి.

ఈ సినిమాల్లో ప్రేమదేశం సినిమా కూడా కన్నడ మూవీ కి రీమేక్ గా రూపొందింది. ఇండస్ట్రీ లో ఈ రెండు సినిమాలకి సంబంధించిన బజ్ పాజిటివ్ గా ఉంది. ఇక సివిల్ ఇంజనీర్ విషయానికి వస్తే ఇది స్ట్రెయిట్ కన్నడ డబ్బింగ్ మూవీ. తెలుగు ప్రేక్షకులకి నచ్చే అంశాలతో ఈ మూవీ రిలీజ్ కి సిద్ధంగా ఉంది.

కేజిఎఫ్ తర్వాత కన్నడ చిత్రసీమ నుండి టాలీవుడ్ కి చాలా సినిమాలే రీమేక్ , డబ్బింగ్ రూపంలో వస్తున్నాయి. ఒకప్పుడు కేవలం తమిళ సినిమాలనే ఎక్కువగా తెలుగులో రిలీజ్ చేసేవాళ్ళు. ప్రేక్షకులు సైతం కన్నడ మూవీస్ ని బానే ఆదరిస్తున్నారు. అందుకు రీసెంట్ గా రిలీజయ్యి టాలీవుడ్ లో బ్లాక్ బస్టర్ కొట్టిన కన్నడ సినిమాలే నిదర్శనం.