“వారసుడు” మూవీ చూడమని పిల్లలు పెద్దలకు చెప్తున్నారు ఇది గొప్ప అచీవ్ మెంట్ గా భావిస్తున్నాను - దర్శకుడు వంశీ పైడిపల్లి
దళపతి విజయ్ నటించిన 'వారసుడు' జనవరి 14న తెలుగులో విడుదలైంది. వంశీ పైడిపల్లి దర్శకత్వంలో శ్రీ వెంకటేశ్వర క్రియేషన్స్ మరియు పివిపి సినిమా పతాకాలపై దిల్ రాజు, శిరీష్, పరమ్ వి పొట్లూరి మరియు పెరల్ వి పొట్లూరి నిర్మించారు. దీని గురించి దర్శకుడు వంశీ పైడిపల్లి మాట్లాడుతూ, ఈ చిత్రం త్వరలోనే 'మాస్టర్'ని మించి తెలుగు రాష్ట్రాల్లో దళపతి విజయ్ కి అతిపెద్ద హిట్ గా నిలవబోతుంది అని తెలిపారు. బుధవారం నాడు హైద్రాబాద్ లో విలేకరుల సమావేశంలో దర్శకుడు వంశీ పైడిపల్లి పలు విషయాలు తెలిపారు.
- నేను నా జీవితంలో అతిపెద్ద రోలర్ కోస్టర్ ను అనుభవించానని చెప్పాలి. వారసుడు రిజల్ట్ తో చాల సంతోషం గా ఉన్నాను. నేను తమిళం లో తీసిన మొదటి సినిమా నే పెద్ద హిట్ అయింది. తెలుగులో ఈ సినిమా అనతికాలంలోనే 'మాస్టర్' కలెక్షన్లను బీట్ చేయబోతోంది. నిజం చెప్పాలంటే తెలుగులో పబ్లిసిటీ చేయడానికి మాకు సమయం సరిపోలేదు. సంక్రాంతికి విడుదల కావటంతో హడావిడి చేయాల్సి వచ్చింది. తమిళంలో కూడా ఒక్క ఈవెంట్ మాత్రమే చేయగలిగాం.
- రిజల్ట్ పై దిల్ రాజుగారు చాలా హ్యాపీగా ఉన్నారు. నా విషయానికొస్తే, బాక్సాఫీస్ ఫలితంపై రాజుగారి స్పందన చూసి ప్రేక్షకుల అభిప్రాయాన్ని అంచనా వేశారు అనిపించింది. రాజుగారికి ఈ సినిమా డబ్బు తో పాటు గౌరవం తెచ్చి పెట్టింది.
'బాహుబలి', 'RRR', 'పుష్ప' మరియు 'KGF' వంటి చిత్రాలు వివిధ భాషలలో సెన్సిబిలిటీస్ భిన్నంగా ఉండవచ్చు కానీ భావోద్వేగాలు విశ్వవ్యాప్తంగా ఉన్నాయని నిరూపించాయి. 'ఊపిరి' తమిళంలోనూ తీసాం. ప్రతి షాట్ తెలుగు మరియు తమిళంలో విడివిడిగా చిత్రీకరించబడింది. మరోవైపు 'వారసుడు' చిత్రాన్ని కేవలం తమిళంలో మాత్రమే చిత్రీకరించి తెలుగులోకి డబ్ చేశారు. ‘ఊపిరి’ అనుభవం నాకు బాగా ఉపయోగపడింది.
- విజయ్ సార్ దేశవ్యాప్తంగా ఓ పెద్ద స్టార్. అతని బలాలు నాకు తెలుసు. ఆయన అత్యంత గుర్తింపు పొందిన పాత్రల ఇమేజ్ ని వెండి తెర పైకి మళ్ళీ తీసుకురావడానికి ఈ చిత్రాన్ని రూపొందించాను. 90లలో ఆయన సినిమాలు తెలుగులో ‘నువ్వు వస్తావని’, ‘శుభకాంక్షలు’గా రీమేక్ అయ్యాయి. ఆ తర్వాత మాస్ స్టార్ ఇమేజ్ సొంతం చేసుకున్నాడు. 'వారసుడు'లో ఆయన గత చిత్రాలను, ఆ తర్వాతి చిత్రాలను మిక్స్ చేశాను. పాటలు, డ్యాన్స్లు, ఫైట్ లతో ప్యాకేజీ గా డెలివర్ చేసాం.
- వారసుడు సినిమాలో తండ్రీకొడుకుల సెంటిమెంట్ తో టచ్ చేశారంటూ ప్రతి రోజూ నాకు కాల్స్ వస్తున్నాయి. మా నాన్నగారు కూడా నన్ను హత్తుకున్నారు, పొంగిపోయి భావోద్వేగానికి గురయ్యారు.
- తెలుగు సినిమా నిర్మాత ఒకరు చెన్నై వెళ్లి అక్కడి బిగ్గెస్ట్ స్టార్ తో పనిచేసినందుకు మనం గర్వపడాలి. ఈ రోజుల్లో సినిమాలకు హద్దులు లేవు. ఏమీ ప్లాన్ చేయలేదు. విజయ్ సర్ కి కథను చెప్పగలమా అని దిల్ రాజు గారు చెప్పినప్పుడు, నేను దాదాపు షాక్ కి గురయ్యాను.
విజయ్ సర్ ఏదీ పెద్దగా పట్టించుకోడు. అతను ఒక వారం పాటు తన హోంవర్క్ చేస్తాడు. సీన్ షూట్ చేయడానికి వారం ముందు స్క్రిప్ట్ అడిగాడు.
విడుదల తేదీ పూర్తిగా నిర్మాతదే. చిరంజీవిగారు, బాలకృష్ణగారి సినిమాలు చూసిన తెలుగు ప్రేక్షకులు విజయ్ సర్ సినిమా చూసి సంతోషిస్తున్నారు. వారసుడు ని తెలుగు ప్రేక్షకులు ఆదరిస్తారు అని దిల్ రాజు గారు నమ్మారు అది నిజం అయింది
'వారసుడు' మౌత్ టాక్ సూపర్బ్. యువకులు తాతయ్యలతో సహా తమ కుటుంబ సభ్యులకు ఈ చిత్రాన్ని చూడమని చెప్తున్నారు. హిందీలో కూడా మా సినిమా కి ఆదరణ రోజురోజుకూ పెరుగుతోంది. తమిళంలో మా సినిమా రిపీట్ ఆడియన్స్ తో దూసుకుపోతోంది. ఇది ఒక బెంచ్ మార్క్ సెట్ చేయబోతోంది.
- ముఖ్యంగా తమిళంలో నిడివి (170 నిమిషాలు) గురించి ఎటువంటి ఫిర్యాదులు లేవు. కొన్ని సన్నివేశాలను కత్తిరించాల్సి వచ్చింది. ఒక గంట మాత్రమే తీసిన మూవీ ఆకర్షణీయంగా లేకుంటే మీకు విసుగు తెప్పించవచ్చు. మూడు గంటల నిడివి ఉన్న సినిమాని కూడా ఇంట్రెస్టింగ్ గా చెబితే బోర్ కొట్టకపోవచ్చు.
'వారసుడు'కి థమన్ సోల్ లాంటి వాడు. ఇలాంటి సినిమాకి బీజీఎం, పాటలు అద్భుతంగా ఉండాలి. ప్రేక్షకులు సంగీతాన్ని పూర్తిగా ఆదరిస్తున్నారు. అమ్మ పాట, 'రంజితమే' మరియు 'తీ తలపతి' చాలా ఎక్కువ పేరు తెచ్చాయి. జానర్ ఫ్యామిలీ ఎంటర్టైనర్ కాబట్టి, కాన్సెప్ట్ల పరంగా నేను వెరైటీని అందించగలను.
- వివేక్ సుప్రసిద్ధ తమిళ రచయిత. ఆర్సీ15కి డైలాగ్స్ కూడా రాస్తున్నాడు. అతను విజయ్ సర్ కి వీరాభిమాని. ప్రేక్షకుల పల్స్ తెలుసు. అతని డైలాగ్స్ చాలా హెల్ప్ అయ్యాయి.
హీరో విజయ్ సార్ కాకుండా వేరే ఎవరైనా ఉంటే చాలా సీన్స్ వేరేలా ఉండేవి. నేను మహేష్ బాబు గారి 'మహర్షి'ని చేసినప్పుడు, నేను బేసిక్ లైన్ మాత్రమే చెప్పాను. ఒకసారి ఆయన యాక్సెప్ట్ చేసిన తర్వాత అతని ఇమేజ్ కి తగినట్లుగా సన్నివేశాలను రూపొందించాను. 'వారసుడు' విషయంలోనూ అదే జరిగింది.
నేను 2020లో మహేష్ బాబు గారితో సినిమా చేయాల్సి ఉంది. కొన్ని కారణాల వల్ల ముందుకు వెళ్లలేకపోయాం.
- నా సినిమాలన్నింటికీ అమ్మా నాన్నలే సెంట్రిక్ లైన్ గా ఉంటుంది. 'వారసుడు'లో తండ్రీ కొడుకులు కాంపిటీటివ్ గా ఉండాలని కోరుకుంటారు. తల్లి నిజం. తండ్రి నమ్మకం. నేను దానిని నమ్ముతాను. నా సినిమాలు లో ఆ పాయింట్ ని రక రకాలు గా తెలియజేస్తూ ఉంటాను.
- 'వారసుడు' థియేటర్లలో విడుదల కాకముందే మళ్లీ నాతో కలిసి పనిచేయడానికి విజయ్ గారు ఆసక్తి చూపాడు. నేను సాఫ్ట్ వేర్ ఇంజనీర్ గా నా కెరీర్ని ప్రారంభించాను. ఈ రోజు, నేను పక్క రాష్ట్రంలోని బిగ్గెస్ట్ స్టార్ తో సూపర్ హిట్ చేసాను. ఇదంతా ఎలా జరిగిందో నాకు తెలియదు! ప్రజలు నన్ను టాస్క్ మాస్టర్ అంటారు. కష్టపడి పనిచేయడం ఒక్కటే నా చేతుల్లో ఉందని నేను నమ్ముతాను. ప్రతిసారీ మమ్మల్ని మేము నిరూపించుకోవాలి. అందుకే నా తదుపరి చిత్రాన్ని మరో ఛాలెంజ్ గా స్వీకరిస్తాను.
- నేను కమర్షియల్ సినిమాలు చూస్తూ పెరిగాను. పెద్ద స్టార్స్ తో అలాంటి సినిమాలు చేయడానికే వచ్చాను. నా కెరీర్ లో తర్వాత ఏం జరుగుతుందో నాకు తెలియదు. నేను ఒక ప్రాజెక్ట్ కోసం చర్చలు జరుపుతున్నాను, దాని వివరాలను నేను తర్వాత వెల్లడిస్తాను. ఇది తప్పకుండా చక్కగా ఉంటుంది.
- నా దృష్టి లో కథే హీరో ని వెతుక్కుంటూ వెళ్తుంది అని నమ్ముతాను. 'మున్నా' ప్రభాస్ కోసం వెతికింది, 'బృందావనం' తారక్ ని వెతికింది. అందువలన పెద్ద స్టార్స్ అవసరమయ్యే పెద్ద కాన్వాస్ సినిమాలు తీయాలని నేను నమ్ముతున్నాను. నా సినిమాలో ప్రతి పాత్ర ఉండడానికి ఒక జస్టిఫైడ్ రీజన్ ఉంటుంది.
- నేను అండర్ డాగ్ కథలను ప్రయత్నించకూడదనుకుంటున్నాను. 'ఊపిరి' ఒక స్లమ్ డాగ్ మిలియనీర్’ లాంటి లైన్ తో లో ఉంది. నేను ఖచ్చితంగా అలాంటి చిత్రాలను ప్రయత్నించాలనుకుంటున్నాను. అని అన్నారు.
