హ్యూస్టన్ లో వైభవంగా దీపావళి సంబరాలు

భారతీయులు ప్రత్యేకించి తెలుగు ప్రవాసులు అధికంగా నివసించే అమెరికాలోని టెక్సాస్‌ రాష్ట్రం హ్యూస్టన్‌ నగరంలో శ్రీస్వామినారాయణ్‌ (అక్షరధామ్‌) ఆలయంలో దీపావళి వేడుకలు వైభవంగా నిర్వహించారు. బాణసంచా, తారాజువ్వల వెలుగుల్లో ఆలయ ప్రాంగణం కనువిందు చేసింది. పండగ విశేషాలను రెండు తెలుగు రాష్ట్రాల్లో ఉన్న తమ బంధుమిత్రులతో వీడియోలు, ఫొటోల ద్వారా పంచుకున్నారు.