అల్లు శతజయంతి వేడుకలు

న్యూజెర్సిలో నాట్స్‌ ఆధ్వర్యంలో మే 26 నుంచి 28 వరకు అంగరంగ వైభవంగా జరిగే  అమెరికా తెలుగు సంబరాల్లో వివిధ రకాల కార్యక్రమాలను ఏర్పాటు చేశారు. మూడు రోజులపాటు వైభవంగా జరిగే ఈ సంబరాలు ఎడిసన్‌లోని న్యూజెర్సి కన్వెన్షన్‌ అండ్‌ ఎక్స్‌పొజిషన్‌ సెంటర్‌లో జరగనున్నాయి. ఈ సందర్భంగా వివిధ కార్యక్రమాలను ఏర్పాటు చేశారు. శతజయంతి వేడుకలను జరుపకుంటున్న అలనాటి హాస్యనటుడు కీ.శే. అల్లురామలింగయ్య శతజయంతి వేడుకలను సంబరాల్లో ఏర్పాటు చేశారు. వెండితెరపై వందలాది పాత్రలు, ఏ పాత్ర చేసినా తన హావభావాలతో మెప్పించి హాస్యం పండించిన నటునిగా ఆయన తెలుగు ప్రేక్షకుల్లో స్థిరపడిపోయారు. ఆయనతో ఉన్న అనుబంధాన్ని మరోసారి గుర్తు చేసుకునేలా నాట్స్‌ సంబరాల్లో కార్యక్రమాలను ఏర్పాటు చేశారు.