ప్రపంచంలోనే అత్యంత అద్భుత కట్టడం... ఎక్కడో తెలుసా?

worlds-tallest-railway-bridge-nears-completion-piyush-goyal-says-infrastructural-marvel

జమ్ముకశ్మీర్‍లో ప్రపంచంలోనే అత్యంత ఎత్తయిన రైల్వే బ్రిడ్జి నిర్మాణం జరుగుతున్న విషయం తెలుసు కదా. మూడేళ్ల కిందట దీని నిర్మాణం ప్రారంభం కాగా, ప్రస్తుతం దీని ప్రధాన ఆర్క్ దాదాపు పూర్తి కావస్తోంది. దీనిపై తాజాగా రైల్వే శాఖ మంత్రి పీయూష్‍ గోయల్‍ అప్‍డేట్‍ ఇచ్చారు. దీనికి సంబంధించిన ఫొటోను ట్విటర్‍లో షేర్‍ చేస్తూ అద్భుత కట్టడం సిద్దమవుతోంది అంటూ ఆయన కామెంట్‍ చేశారు. మరో ఇంజినీరింగ్‍ మైలురాయిని అందుకునే దిశగా ఇండియన్‍ రైల్వేస్‍ అడుగులు వేస్తోందని ఆయన చెప్పారు. 476 మీటర్ల పొడువైన స్టీల్‍ ఆర్క్ను ఇందులో చూడొచ్చు.

ప్రపంచంలోనే అత్యంత ఎత్తయిన ఈ రైల్వే బ్రిడ్జిని జమ్ముకశ్మీర్‍లోని రియాసీ జిల్లాలో చీనాబ్‍ నదిపై నిర్మిస్తున్నారు. కశ్మీర్‍ను మిగతా దేశంతో కలిపే రైల్వే ప్రాజెక్ట్లో భాగంగా ఈ బ్రిడ్జిని నిర్మిస్తున్నారు. 2017, నవంబర్‍లో దీని నిర్మాణం ప్రారంభమైంది. దీనికి రూ.1250 కోట్లు ఖర్చవుతుందని అంచనా. చీనాబ్‍ నదికి 359 మీటర్ల ఎత్తులో దీనిని నిర్మిస్తున్నారు. అంటే ఇది ప్యారిస్‍లోని ప్రపంచ ప్రఖ్యాత ఈఫిల్‍ టవర్‍ ఎత్తు కంటే కూడా 35 మీటర్లు ఎక్కువ కావడం విశేషం. 8 మ్యాగ్నిట్యూడ్‍ తీవ్రతతో వచ్చే భూకంపాలను కూడా తట్టుకునే విధంగా ఈ బ్రిడ్జిని నిర్మిస్తున్నారు. ఈ బ్రిడ్జి మొత్తం పొడవు 1315 మీటర్లు.

 


                    Advertise with us !!!