పొలిటికల్ థ్రిల్లర్ నవల రాస్తున్న హిల్లరీ

Hillary Clinton to publish State of Terror Novel

అమెరికా మాజీ విదేశాంగ మంత్రి హిల్లరీ క్లింటన్‌ పొలిటికల్‌ థ్రిల్లర్‌ నవల రాస్తున్నారు. స్టేట్‌ ఆఫ్‌ టెర్రర్‌ అని నవలకు పేరు పెట్టారు. కెనడాకు చెందిన లూయిజ్‌ పెన్సీతో కలిసి ఆమె ఈ థ్రిల్లర్‌ పుస్తకాన్ని రచిస్తున్నారు. ఈ ఏడాది అక్టోబర్‌ 12న ఆ నవల మార్కెట్లోకి రిలీజ్‌ చేయనున్నట్లు సైమన్‌ అండ్‌ సూస్టర్‌ పబ్లిషర్స్‌ పేర్కొన్నారు. ఉగ్రవాద దాడులు జరుగుతున్న సమయంలో హిల్లరీ విదేశాంగ కార్యదర్శిగా ఉన్నారు. ఆ సమయంలో జరిగిన కొన్ని ఉత్కంఠ అంశాలను తన పుస్తకంలో హిల్లరీ రాసినట్లు తెలుస్తోంది. లూయిస్‌తో కలిసి థ్రిల్లర్‌ నవల రాయడం కల నిజమైనట్లుగా ఉందని హిల్లరీ క్లింటన్‌ ఓ ప్రకటనలో తెలిపారు. అత్యున్నత స్థాయిలో జరిగే దౌత్య మోసాలకు సంబంధించిన అంశాలు ఆ పుస్తకంలో రాయనున్నారు.

గత జూన్‌లో హిల్లరీ భర్త బిల్‌ క్లింటన్‌ కూడా ఓ రాజకీయ నవల రాశారు. ద ప్రెసిడెంట్స్‌ డాటర్‌ పేరుతో ఆ నవలను రిలీజ్‌ చేశారు. థ్రిల్లర్‌ రైటర్‌ జేమ్స్‌ పాటర్సన్‌ రాశారు. వైట్‌హౌజ్‌పై ఉగ్రవాదులు జరిపిన సైబర్‌దాడుల గురించి కూడా 2018లో ద ప్రెసిడెంట్‌ ఈజ్‌ మిస్సింగ్‌ అన్న పుస్తకాన్ని రాసి రిలీజ్‌ చేశారు.