రిలయన్స్ ఇండస్ట్రీస్ సంచలన నిర్ణయాన్ని ప్రకటించింది. తన ఆయిల్‌-టు-కెమికల్స్‌ (ఓటూసీ) వ్యాపారాన్ని స్వతంత్ర అనుబంధ సంస్థగా రూపొందిస్తున్నట్లు ప్రకటించింది. వ్యాపార బదిలీతో కొత్తగా ఏర్పడిన ఈ అనుబంధ సంస్థపై 100 శాతం నిర్వహణ, నియంత్రణ కలిగి ఉంటుందని ఆర్‌ఐఎల్‌ తెలిపింది. మొత్తం అపరేటింగ్‌ టీం, కొత్త సంస్థలోకి మారుతుందనీ, అలాగే ఆదాయాలను తగ్గించం లేదా నగదు ప్రవాహాలను ఎటువంటి పరిమితులు ఉండవని పేర్కొంది. పునర్వ్యవస్థీకరణ తర్వాత ప్రమోటర్‌ గ్రూప్‌ ఓటూసీ వ్యాపారంలో 49.14 శాతం కలిగి ఉంటుందనీ, ఈ ప్రక్రియతో కంపెనీ వాటాదారుల్లో ఎలాంటి మార్పు ఉండదని రెగ్యులేటరీ సమాచారంలో రిలయన్స్ వెల్లడించింది. దీనికి సంబంధించి ఇప్పటికే సెక్యూరిటీస్‌ అండ్‌ ఎక్స్చేంజ్‌ బోర్డ్‌ ఆప్ ఇండియా (సెబీ) స్టాక్‌ ఎక్స్చేంజీల ఆమోదం లభించినట్టు ఆర్‌ఐఎల్‌ తెలిపింది. అయితే ఈక్విటీ వాటాదారులు, రుణదాతలు, ఐటీ, ఎన్‌సీఎల్‌టీ బెంచ్‌ల నుండి ఇంకా క్లియరెన్స్‌ పొందలేదని చెప్పింది.
2022 నాటికి ముంబై, అహ్మదాబాద్‌ ఎన్‌సీఎల్‌టీ అనుమతి వస్తుందని ఆశిస్తున్నట్లు రిలయన్స్ తెలిపింది. సంస్థకు చెందని రిఫైనింగ్‌, మార్కెటింగ్‌, పెట్రో కెమికల్‌ ఆస్తులు మొత్తం కొత్త అనుబంధ సంస్థలోకి బదిలీ అవుతాయి. సౌదీ అరామ్‌కోతో ఒప్పందం అనంతరం మరింత ఇన్వెస్టర్ల ద్వారా కేపిటల్‌ సమకూర్చుకోవడానికి దోహద పడుతుందని కంపెనీ తెలిపింది.
