గల్ఫ్‌ చిత్రంలో హీరోయిన్‌గా అలరించింది అందాల తార డింపుల్ హయతి. 2019లో వరుణ్‌ తేజ్ హీరోగా వచ్చిన గద్దల కొండ గణేశ్‌ చిత్రంలో జర్ర జర్ర అంటూ సాగే మాస్‌ బీట్‌ లో అందాలు ఆరబోసి స్టన్నింగ్‌ డ్యాన్స్‌ తో అదరగొట్టింది. ఈ భామా ప్రస్తుతం రవితేజతో ఖిలాడీ చిత్రంలో హీరోయిన్‌గా నటిస్తోంది. ఈ బ్యూటీకి సంబంధించిన క్రేజీ న్యూస్‌ ఒకటి ఫిలింనగర్‌ లో చక్కర్లు కొడుతోంది.
డింపుల్ హయతి బాలీవుడ్ కు ఎంట్రీ ఇచ్చేందుకు రెడీ అవుతున్నట్టు బీటౌన్‌ వర్గాల్లో జోరుగా చర్చ నడుస్తోంది. అక్షయ్‌కుమార్‌-ధనుష్‌-సారా అలీఖాన్‌ కాంబినేషన్‌ లో తెరకెక్కుతున్న చిత్రం అట్రాంగి రే. ఆనంద్‌ ఎల్‌ రాయ్‌ దర్శకత్వం వహిస్తున్నాడు. ఈ సినిమలో కీలక పాత్ర కోసం మేకర్స్‌ డింపుల్ హయతిని సంప్రదించారన్న వార్త ఇప్పుడు టాలీవుడ్‌ లో హాట్‌ టాపిక్‌ గా మారింది. డింపుల్ కూడా ఈ ప్రాజెక్టులో నటించేందుకు గ్రీన్ సిగ్నల్ ఇచ్చినట్టు టాక్‌.
