ట్విటర్ లో మరో కొత్త ఫీచర్

Twitter will now display labels on liking disputed tweets

సోషల్‍ మీడియాలో వచ్చే అసత్య వార్తల ప్రచారానికి అడ్డుకట్ట వేసేందుకు ఆయా కంపెనీలు తీవ్రంగా కృషి చేస్తున్నాయి. దీని కోసం ఫేస్‍బుక్‍ వార్నింగ్‍ లేబుల్‍ తీసుకొస్తుంటే.. ట్విటర్‍ కూడా అదే తరహాలో డిస్‍ప్యూటెడ్‍ ట్వీట్‍ (వివాదాస్పదమైన ట్వీట్‍) పేరుతో ఒక హెచ్చరికను జారీ చేస్తుంది. దీని ద్వారా మనం ఎక్కువ శాతం అసత్య ప్రచారాలకు అడ్డుకట్ట వేసే అవకాశం ఉంది. కానీ వీటి గురించి చాలా మందికి తెలియక పోవడం వల్ల వాటిని తిరిగి పోస్ట్ చేయడం లేదా రీట్వీట్‍ చేస్తుంటారు. ఇది సోషల్‍ మీడియా కంపెనీలకు తల నొప్పిగా మారింది. దీంతో ఈ సమస్యకు పరిష్కారంగా ట్విటర్‍ కొత్త ఫీచర్‍ను తీసుకొస్తున్నట్లు ప్రకటించింది.

ఇక నుండి ట్విట్టర్‍ వినియోగదారుడు డిస్‍వ్యూటెడ్‍ ట్వీట్‍ లేదా హెచ్చరికలు జారీ చేసిన ట్వీట్‍ను లైక్‍, షేర్‍ లేదా కామెంట్‍ చేయడానికి ట్విట్టర్‍ ఒక పాప్‍-అప్‍ విండోతో హెచ్చరిస్తోంది. అందులో ఇది డిస్‍వ్యూటెడ్‍ ట్వీట్‍. నమ్మకమైన సమాచారం అందించే వేదికగా ఉంచేందుకు సహాయపడండి. రీట్వీట్‍ చేసేముందు దాని గురించి మరింత సమాచారం తెలుసుకోండి అని సందేశం కనిపిస్తుంది. ఈ ఫీచర్‍ పరీక్షల్లో భాగంగా ఇది సత్ఫలితాలనిచ్చిందని, దీని వల్ల 29 శాతం మేర అసత్య వార్తల ప్రచారం తగ్గిందని ట్విటర్‍ తెలిపింది. ప్రపంచవ్యాప్తంగా కొవిడ్‍ -19 మహమ్మారిపై జరిగే తప్పుడు సమాచార వ్యాప్తికి ఇది కొంత వరకు అడ్డుకట్ట వేస్తుందని ట్విటర్‍ అభిప్రాయపడింది.

 


                    Advertise with us !!!