Satyadev as Thimmarusu, a new film announced

లాక్‌డౌన్ సమయంలో ‘ఉమామహేశ్వర ఉగ్రరూపస్య’ సినిమాతో ప్రేక్షకుల ముందుకు వచ్చిన సత్యదేవ్.. ఇప్పుడు ‘తిమ్మరుసు’గా రాబోతున్నారు.‘బ్లఫ్‌ మాస్టర్‌’, ‘ఉమామహేశ్వర ఉగ్రరూపస్య’ వంటి విలక్షణమైన కథా చిత్రాలు, పాత్రలతో ప్రేక్షకుల ఆదరాభిమానాలు పొందుతున్న సత్యదేవ్‌ హీరోగా కొత్త సినిమా ‘తిమ్మరుసు’ ఆదివారం హైదరాబాద్‌లో లాంఛనంగా ప్రారంభమైంది. ముహూర్తపు సన్నివేశానికి చిత్ర సినిమాటోగ్రాఫర్‌ అప్పూ ప్రభాకర్‌ క్లాప్‌ కొట్టారు. రాజా, వేదవ్యాస్‌ స్క్రిప్ట్‌ను అందజేశారు.ఈస్ట్‌కోస్ట్‌ ప్రొడక్షన్స్ అధినేత మహేశ్‌ కోనేరు‌తో పాటు ఎస్‌ ఒరిజినల్స్‌ అధినేత సృజన్‌ ఎరబోలు ఈ చిత్రాన్ని నిర్మిస్తున్నారు. శరణ్‌ కొప్పిశెట్టి దర్శకత్వం వహిస్తున్నారు.

డిఫరెంట్‌ కాన్సెప్ట్‌తో రూపొందుతున్న ‘తిమ్మరుసు’ చిత్రానికి ‘అసైన్‌మెంట్‌ వాలి’ అనేది ట్యాగ్‌లైన్‌.చిత్ర ప్రారంభం సందర్భంగా నిర్మాతలు మాట్లాడుతూ.. ‘‘కెరీర్‌ ప్రారంభం నుండి వైవిధ్యమైన పాత్రలను పోషిస్తూ హీరోగా, నటుడిగా సత్యదేవ్‌ తనకంటూ ఓ ఇమేజ్‌ను క్రియేట్‌ చేసుకున్నారు. అలాంటి హీరోతో సినిమా చేయడం చాలా హ్యాపీగా ఉంది. ‘తిమ్మరుసు’ సినిమా విషయానికి వస్తే ఓ డిఫరెంట్‌ కాన్సెప్ట్‌ మూవీ. సత్యదేవ్‌ను సరికొత్త కోణంలో ఆవిష్కరించే సినిమా ఇది. మంచి టీమ్‌ కుదిరింది. ఈ నెల 21 నుండి రెగ్యులర్‌ షూటింగ్‌ను ప్రారంభిస్తాం. నిరవధికంగా జరిగే లాంగ్‌ షెడ్యూల్‌లో సినిమా చిత్రీకరణ పూర్తి చేసేలా ప్లాన్‌ చేశాం’’ అని అన్నారు.కాగా, ఈ చిత్రంలో ప్రియాంకా ఝావల్కర్, బ్రహ్మాజీ, అజయ్‌, ప్రవీణ్‌, ఆదర్శ్‌ బాలకృష్ణ, ఝాన్సీ, వైవా హర్ష, సంధ్యా జనక్‌ తదితరులు నటిస్తున్నారు. శేఖర్ చంద్ర సంగీతం సమకూరుస్తున్నారు. రియల్ సతీశ్ యాక్షన్ కంపోజ్ చేస్తున్నారు. కిరణ్ కుమార్ మన్నె ఆర్ట్ డైరెక్టర్.

నటీనటులు: సత్యదేవ్‌, ప్రియాంకా ఝావల్కర్, బ్రహ్మాజీ, అజయ్‌, ప్రవీణ్‌, ఆదర్శ్‌ బాలకృష్ణ, ఝాన్సీ, వైవా హర్ష, సంధ్యా జనక్‌ తదితరులు సాంకేతిక వర్గం: సంగీతం: శేఖర్‌ చంద్ర సినిమాటోగ్రఫీ: అప్పూ ప్రభాకర్‌ ఆర్ట్‌: కిరణ్‌ కుమార్‌ మన్నె యాక్షన్‌: రియల్‌ సతీశ్‌ పి.ఆర్‌.ఒ: వంశీకాక నిర్మాతలు: మహేశ్‌ కోనేరు, సృజన్‌ దర్శకత్వం: శరణ్‌ కొప్పిశెట్టి.