Deeply Concerned About India China Border Issue Says US Congressman

చైనాతో ఏర్పడిన సరిహద్దు వివాదం అంశంపై తాము భారత్‍కు బలమైన, తిరుగులేని మద్దతును ఇచ్చినట్లు అమెరికా అధ్యక్ష భవనం వైట్‍హౌస్‍ ఉన్నతాధికారి లీసా కర్టిస్‍ తెలిపారు. వాస్తవాధీన రేఖ (ఎల్‍ఏసీ) వెంబడి చైనా చేపడుతున్న దురుసు చర్యలు భారత్‍-అమెరికా వ్యూహాత్మక భాగస్వామ్య ఆవశ్యకతను చాటి చెప్పాయని పేర్కొన్నారు. మేధోమథన సంస్థ కార్నెగీ ఎండోమెంట్‍ ఫర్‍ ఇంటర్నేషనల్‍ పీస్‍ నిర్వహించిన వర్చువల్‍ చర్చా వేదికలో ఆమె ఈ వ్యాఖ్యలు చేశారు. భారత్‍-పసిఫిక్‍ ప్రాంతంలో చైనా దురుసు వ్యవహారశైలిని ప్రదర్శిస్తోంది. ప్రపంచం మొత్తం కరోనా గుప్పెట్లో చిక్కుకున్న వేళ ఇలాంటి చర్యలకు పాల్పడుతోంది అని దుయ్యబట్టారు. చైనా దూకుడును అడ్డుకోవడానికి భారత్‍తో బంధాన్ని ఏర్పర్చుకోవాలన్న అమెరికా పట్టుదలను ఈ సంక్షోభం మరింత బలోపేతం చేసిందని పేర్కొన్నారు.