Record 37 COVID 19 deaths in Andhra Pradesh in 24 hours

ఆంధప్రదేశ్‍ రాష్ట్రంలో గత 24 గంటల్లో రికార్డు స్థాయిలో కరోనా మరణాలు నమోదయ్యాయి. ఆదివారం ఉదయం నుంచి సోమవారం ఉదయం 9 వరకు 37 మంది కరోనాతో చనిపోయారు. ఇప్పటివరకు ఇదే అత్యధికం. ఈ రోజు తాజాగా 1,935 కరోనా పాజిటివ్‍ కేసులు నమోదయ్యాయి. ఇందులో 1,919 రాష్ట్రానికి చెందినవారు కాగా, ఇతర రాష్ట్రాల వారు 13 మంది ఉన్నారు. ఇతర దేశాల నుంచి వచ్చినవారు ముగ్గురు ఉన్నారు. ఇప్పటివరకు 31,103 మందికి కరోనా సోకింది. అందులో రాష్ట్రానికి చెందినవారు 28,255 మంది. ఇతర రాష్ట్రాల నుంచి వచ్చిన 2,416 మంది కరోనా పాజిటివ్‍ రాగా, ఇతర దేశాల నుంచి వచ్చిన 432 మందిలో కరోనా ఉన్నట్లు గుర్తించారు.

 రాష్ట్రంలో ప్రస్తుతం 14,274 యాక్టివ్‍ కేసులున్నాయి. ఇందులో 11,958  మంది వివిధ ఆస్పత్రుల్లోను, 2,316  మంది కొవిడ్‍ సెంటర్లలోనూ వైద్యం పొందుతున్నారు. వీరిలో రాష్ట్రానికి చెందిన వారు 13,615 మంది. 550 మంది ఇతర రాష్ట్రాలవారు కాగా, 109 మంది ఇతర దేశాలవారు. ఈ రోజు డిశ్చార్జి అయిన 1,030 మందితో కలిపి మొత్తంగా 16,646 మంది కోలుకున్నారు. ఇప్పటివరకు రాష్ట్రంలో 365 మంది కొవిడ్‍ సోకి చనిపోయారు.