surgeons-led-by-indian-origin-doctor-perform-double-lung-transplant-on-second-covid-19-patient

అమెరికాలో కరోనా పేషెంట్‍కు భారత అమెరికన్‍ వైద్యుడు అంకిత్‍ భరత్‍ నేతృత్వంలో వైద్యులు రెండు ఊపిరితిత్తుల మార్పిడి ఆపరేషన్‍ను విజయవంతంగా నిర్వహించారు. ఈ బృందం నెల రోజుల్లో ఇలాంటి సర్జరీ చేయడం ఇది రెండోసారి. చికాగో లోని ఓ ఆస్పత్రిలో 100 రోజుల నుంచి వెంటిలేషన్‍పైనే ఉన్న 60 ఏళ్ల పేషెంట్‍ ఊపిరితిత్తులు కరోనా వైరస్‍ కారణంగా పూర్తిగా దెబ్బతిన్నాయి. ఈ కేసులు లంగ్స్ ట్రాన్స్ ప్లాంటేషన్‍లో నిపుణుడైన అంకిత్‍ చేతికి వచ్చింది. ఆయన తన బృందంతో 10 గంటలు కష్టపడి రెండు ఊపిరితిత్తుల మార్పిడిని విజయవంతంగా నిర్వహించారని ఆస్పత్రి వర్గాలు తెలిపాయి. గత నెలలోనూ 20 ఏళ్ల ఓ మహిళా కొవిడ్‍ పేషెంట్‍ ఊపిరితిత్తుల మార్పిడిని అంకిత్‍ బృందం విజయవంతంగా నిర్వహించింది.