Pawan fans furious over leaked Vakeel Saab pic

పవర్ స్టార్ పవన్ కళ్యాణ్ అభిమానులు ఎంతో ఆతృతగా ఎదురుచూస్తున్న సినిమా వకీల్ సాబ్. గతంలో ఎప్పుడు లేని విధంగా సినిమాలకు చాలా గ్యాప్ తీసుకున్న పవన్ కళ్యాణ్ ఈసారి ఎలాంటి రిజల్ట్ అందుకుంటాడు అనేది హాట్ టాపిక్ గా మారింది. ఇకపోతే ప్రస్తుతం వకీల్ సాబ్ సినిమాకు సంబంధించిన ఒక లుక్ సోషల్ మీడియాలో చక్కర్లు కొడుతోంది. సినిమాకు సంబంధించిన ఆ స్టిల్ లీక్ అయినట్లు తెలుస్తోంది. పవన్ లాయర్ లుక్ లో కేసును వాదిస్తున్నట్లు, పవన్ వెనుక వైపు అంజలి వున్నా ఆ ఫోటో లో   అభిమానులను బాగానే ఎట్రాక్ట్ చేస్తోంది.

గతంలో ఎప్పుడు లేని విధంగా మొదటిసారి పవన్ ఒక లాయర్ సాబ్ గా కనిపించబోతున్నాడు. దీంతో అంచనాల డోస్ తారా స్థాయికి చేరింది. ప్రస్తుతం సినిమాకు సంబంధించిన పోస్ట్ ప్రొడక్షన్ వర్క్ జరుగుతున్నట్లు తెలుస్తోంది. ఇక ఆ స్టిల్ కూడా VFX ఎడిటింగ్ వర్క్ నుంచి స్క్రీన్ షాట్ తీసినట్లు తెలుస్తోంది. ఇప్పటివరకు సినిమా ఫస్ట్ లుక్ తప్పితే మరొక అఫీషియల్ పోస్టర్ ని విడుదల చేయలేదు. ఆ మధ్య రిలీజ్ చేసిన మగువ మగువ సాంగ్ కి పాజిటివ్ మంచి  రెస్పాన్స్ వచ్చిన విషయం ట్తెలిసిందే. సాధారణంగా సినిమా షూటింగ్ మొదలైనప్పుడే ఒక లొకేషన్ ఫోటో రిలీజ్ కాగా.. అదే ఎక్కువగా వైరల్ అయ్యింది. అనంతరం వకీల్ సాబ్ టైటిల్ ఫస్ట్ లుక్ పోస్టర్ రిలీజ్ చేయగా మరింత వైరల్ అయ్యింది. ఇక చాలా రోజుల తరువాత మరొక లుక్ వైరల్ కాగా సినిమాపై అంచనాల డోస్ కూడా పెరుగుతోంది. పింక్ సినిమాకు రీమేక్ గా వస్తున్న ఈ సినిమా షూటింగ్ దాదాపు ఎండింగ్ లో ఉన్న సమయంలో ఉహీంచని విదంగా లాక్ డౌన్ వల్ల ఆగిపోయింది. ప్రస్తుతం కూడా షూటింగ్ ని కొనసాగించే పరిస్థితి కనిపించడం లేదు. నిర్మాత దిల్ రాజు, దర్శకుడు వేణు శ్రీరామ్ ప్రస్తుతం పోస్ట్ ప్రొడక్షన్ పనులతో బిజీగా మారారు. ఇక త్వరలోనే సినిమాకు సంబంధించిన ఒక స్పెషల్ లుక్ రిలీజ్  చేస్తున్నట్లు సమాచారం.