Serena Williams says she will play in the 2020 US Open

కరోనా పరిస్థితులు పూర్తిగా సద్దుమణగకముందే యూఎస్‍ ఓపెన్‍లో ఆడలేమంటూ జొకోవిచ్‍, నడాల్‍లాంటి అగశ్రేణి క్రీడాకారులంతా వ్యతిరేకత వ్యక్తం చేస్తుండగా, అమెరికా టెన్నిస్‍ స్టార్‍ సెరెనా విలియమ్స్ మాత్రం ఆ గ్రాండ్‍స్లామ్‍కు పచ్చజెండా ఊపింది. ఈ ఏడాది యూఎస్‍ ఓపెన్‍లో పాల్గొనేందుకు తాను సిద్ధమని తెలిపింది. ఈ మేరకు యూఎస్‍ టెన్నిస్‍ సంఘం టోర్నీ ప్రజెంటేషన్‍ కార్యక్రమం సందర్భంగా విడుదల చేసిన వీడియాలో తన నిర్ణయాన్ని సెరెనా ప్రకటించింది. ఈ గ్రాండ్‍స్లామ్‍లో ఆరుసార్లు విజేతగా నిలిచిన 38 ఏళ్ల సెరెనా.. టోర్నీ కోసం ఆత్రుతగా ఎదురుచూస్తున్నానని ఈ వీడియోలో పేర్కొంది. ఈ ఏడాది యూఎస్‍ ఓపెన్‍ ఆగస్టు 31 నుంచి సెప్టెంబరు 13 వరకు ఖాళీ స్టేడియాల్లో నిర్వహించనున్నట్టు టోర్నీ నిర్వాహకులు ప్రకటించిన సంగతి తెలిసిందే.