వినూత్నంగా నూతన సంవత్సర శుభాకాంక్షలు తెలిపిన అలీ, నరేశ్

ప్ర‌ముఖ న‌టుడు డాక్ట‌ర్ అలీ నిర్మాత‌గా అలీవుడ్ ఎంట‌ర్ టైన్మెంట్స్ ప‌తాకం పై తెర‌కెక్కుతున్న సినిమా అంద‌రు బాగుండాలి అందులో నేనుండాలి. మ‌ళ‌యాలీ బ్లాక్ బ‌స్ట‌ర్ సినిమా వికృతి ఆధారంగా రూపొందుతున్న ఈ సినిమాలో డాక్ట‌ర్ అలీతో పాటు ప్ర‌ముఖ న‌టులు డాక్ట‌ర్ విజ‌య‌కృష్ణ న‌రేశ్ కూడా ప్ర‌ధాన పాత్ర పోషిస్తున్నారు. మౌర్యాన్నీ హీరోయిన్ న‌టిస్తున్నారు. ఈ చిత్రాన్ని శ్రీపురం కిర‌ణ్ ద‌ర్శ‌క‌త్వం వ‌హిస్తున్నారు. ఇటీవ‌లే పూజా కార్య‌క్ర‌మాల‌తో అంగ‌రంగ వైభవంగా మొద‌లైన ఈ సినిమాకు సంబంధించిన మ‌రిన్ని వివ‌రాలు త్వ‌ర‌లోనే అధికారంగా ప్ర‌క‌టిస్తామ‌ని డాక్ట‌ర్ అలీ తెలిపారు. అలానే క‌రోనా నేప‌థ్యంతో 2020లో అతలాకుత‌ల‌మైన అంద‌రి జీవితాలు రాబోయే 2021లో కోలుకోవాల‌ని, ఈ కొత్త ఏడాది అంద‌రికి మంచి చేకూర్చాల‌ని కోరుకుంటూ డాక్ట‌ర్ విజ‌య‌కృష్ణ న‌రేశ్ తో క‌లిసి అలీవుడ్ ఎంట‌ర్ టైన్మెంట్స్, అంద‌రు బాగుండాలి అందులో నేనుండాలి చిత్ర బృందం త‌రుపున డాక్ట‌ర్ అలీ ప్రేక్ష‌కుల‌కి శుభ‌కాంక్ష‌లు తెలుపుతూ ఓ వీడియోని విడుద‌ల చేశారు. ఈ వీడియో డాక్ట‌ర్ అలీ మాట‌ల‌తో శుభాకాంక్ష‌లు తెలిపితే, డాక్ట‌ర్ విజయకృష్ణ న‌రేశ్ సైగ‌ల్ ద్వారా న్యూఇయ‌ర్ విషెస్ అందించారు. ప్రస్తుతం ఈ వీడియోకి సోష‌ల్ మీడియాలో విశేషాద‌ర‌ణ ల‌భిస్తోంది.