క్రిస్పీగా రావడానికి పొడి బియ్యప్పిండి, నానబెట్టిన శనగపప్పు లేదా పెసరపప్పు, వెన్న లేదా వేడి నూనె, నువ్వులు సిద్ధం చేసుకోండి.

పచ్చిమిర్చి, అల్లం, కాస్త జీలకర్రను మిక్సీ పట్టి పేస్ట్‌లా చేయండి. దీనివల్ల అప్పాలకు మంచి ఘాటు, రుచి మరియు సువాసన వస్తాయి.

బియ్యప్పిండిలో ఉప్పు, అల్లం మిర్చి పేస్ట్, కరివేపాకు, పప్పులు, వేడి నూనె వేసి బాగా కలిపి, తగినన్ని నీళ్లతో ముద్దలా చేయండి.

కలిపిన పిండి ఆరిపోకుండా తడి బట్ట కప్పి ఉంచండి. తర్వాత ఆ పిండిని చిన్న చిన్న నిమ్మకాయ సైజు ఉండలుగా (Balls) చుట్టుకోండి.

ఒక ప్లాస్టిక్ కవర్ లేదా బటర్‌ పేపర్‌కు నూనె రాసి, పిండి ముద్దలను ఉంచి, చేత్తోగాని లేదా గిన్నెతోగాని పల్చగా ఒత్తుకోండి.

కడాయిలో నూనెను మీడియం మంటపై వేడి చేయండి. నూనె ఎక్కువ కాగితే అప్పాలు పైన మాడిపోయి, లోపల సరిగ్గా వేగవు, మెత్తగా ఉంటాయి.

ఒత్తిన అప్పాలను నూనెలో వేసి, మంటను అడ్జస్ట్ చేస్తూ రెండు వైపులా మంచి బంగారు రంగు (Golden Brown) వచ్చేవరకు వేయించి తీయండి.