జొన్నల్లో పీచు పదార్థం (ఫైబర్) చాలా ఎక్కువ. ఇది జీర్ణక్రియను మెరుగుపరిచి, శరీరంలో కొవ్వు పేరుకుపోకుండా నిరోధిస్తుంది.

దీనిలోని కాంప్లెక్స్ కార్బోహైడ్రేట్లు నెమ్మదిగా జీర్ణమవుతాయి. దీనివల్ల కడుపు నిండినట్లు అనిపించి, ఎక్కువసేపు ఆకలి వేయదు.

గోధుమ రొట్టెలు, అన్నంతో పోలిస్తే జొన్న రొట్టెలో క్యాలరీలు తక్కువ. బరువు తగ్గడానికి క్యాలరీల నియంత్రణ చాలా ముఖ్యం.

జొన్నల గ్లైసిమిక్ ఇండెక్స్ తక్కువ. ఇది రక్తంలో చక్కెర స్థాయిలను అదుపులో ఉంచి, ఇన్సులిన్ పెరగకుండా చూసి బరువును తగ్గిస్తుంది.

జొన్నలు సహజంగానే గ్లూటెన్ రహితం. గ్లూటెన్ పడని వారికి, పొట్ట చుట్టూ కొవ్వు తగ్గించుకోవాలనుకునే వారికి ఇది ఉత్తమ ప్రత్యామ్నాయం.

జొన్నల్లో ఉండే విటమిన్ బి కాంప్లెక్స్ శరీర జీవక్రియను (Metabolism) వేగవంతం చేస్తుంది. ఇది క్యాలరీలను వేగంగా కరిగించడానికి సాయపడుతుంది.

మొక్కల ఆధారిత ప్రోటీన్ జొన్నల్లో ఎక్కువ. ఇది కండరాల బలాన్ని పెంచి, శరీరంలోని అనవసరమైన కొవ్వును తగ్గించడంలో తోడ్పడుతుంది.