అలోవెరా మన ఇంటి తోటలో లేక చిన్న కుండీలో సులభంగా పెంచుకోగలిగిన ఒక ఔషధ మొక్క. కొన్ని సింపుల్ టిప్స్ పాటిస్తే మీ అలోవెరా మొక్క ఆరోగ్యంగా గుబురుగా పెరుగుతుంది.
అలోవెరా మొక్కకు ఎప్పుడూ ఎక్కువ నీరు పోయకూడదు. మట్టి పూర్తిగా ఎండిన తర్వాత మాత్రమే తక్కువగా నీరు ఇవ్వాలి. ఎక్కువ తేమ వల్ల వేర్లు కుళ్లిపోతాయి.
సూర్యకాంతి అలోవెరాకు చాలా అవసరం. రోజుకు కనీసం 4–6 గంటలు సూర్యరశ్మి తగిలే చోట పెట్టితే మొక్క వేగంగా పెరుగుతుంది. ఇంట్లో అయితే బాల్కనీ బెస్ట్ ప్లేస్.
మట్టి , కుండీ డ్రైనేజ్ బాగా ఉండాలి. ఇసుక కలిపిన తేలికపాటి మట్టి ఉపయోగిస్తే వేర్లు బలంగా పెరుగుతాయి. గట్టి మట్టి వాడితే మొక్క ఎదుగుదల తగ్గుతుంది.
పాత ఆకు లేదా ఎండిపోయిన ఆకులను సమయానికి తొలగించాలి. ఇలా చేయడం వల్ల కొత్త మొగ్గలు త్వరగా వస్తాయి. మొక్కకు మంచి గాలి కూడా అందుతుంది.
నెలకు ఒకసారి సహజ ఎరువులు వేయడం మంచిది. వేప పిండి లేదా కంపోస్ట్ వాడితే మొక్కకు కావలసిన పోషకాలు అందుతాయి.
పాట్ చాలా చిన్నగా ఉంటే మొక్క ఎదగదు. కొంచెం పెద్ద కుండలో నాటితే వేర్లు విస్తరించి మొక్క వేగంగా పెరుగుతుంది.
ఈ చెట్టుకి పురుగులు ఎక్కువగా పట్టవు కానీ అప్పుడప్పుడు నల్లటి మచ్చ పురుగు కనిపిస్తుంది. అలాంటి సమయంలో వేప నూనె మిశ్రమాన్ని స్ప్రే చేస్తే సరిపోతుంది.
ఈ చిన్న జాగ్రత్తలు పాటిస్తే అలోవెరా మొక్క ఆరోగ్యంగా, వేగంగా పెరిగి మీ ఇంటికి సహజ ఔషధంగా ఉపయోగపడుతుంది.