చేప తలను తినడం ఆరోగ్యానికి మంచిదనే అభిప్రాయం ఉన్నా, అందరికీ ఇది సరైన ఆహారం కాదని వైద్యులు చెబుతున్నారు.
చేప తలలో మంచి కొవ్వులు ఉన్నప్పటికీ, అదే సమయంలో అధిక కొలెస్ట్రాల్ కూడా ఉండే అవకాశం ఉందని నిపుణుల హెచ్చరిక.
గుండె సమస్యలు, బీపీ లేదా షుగర్ ఉన్నవారు చేప తలను తరచుగా తీసుకుంటే ఆరోగ్యపరమైన ఇబ్బందులు పెరిగే ప్రమాదం ఉందట.
ముఖ్యంగా కాలుష్యమైన నీటిలో పెరిగే చేపల తలలో హానికరమైన పదార్థాలు నిల్వ ఉండే అవకాశం ఎక్కువగా ఉంటుందని చెబుతున్నారు.
ఇలాంటి పదార్థాలు శరీరంలోకి వెళ్లినప్పుడు మెదడు, నాడీ వ్యవస్థ, గుండెపై ప్రతికూల ప్రభావం చూపవచ్చని వైద్యుల సూచన.
అందుకే చేప తలను తరచుగా కాకుండా, ఆరోగ్య పరిస్థితిని బట్టి మితంగా లేదా పూర్తిగా నివారించడం మంచిదని నిపుణులు సూచిస్తున్నారు.